Matukio : Waziri Lazaro Nyalandu Atangaza Rasmi Kugombea Urais Mwaka 2015

 Waziri Nyalandu akiwa na watoto wake wakati wa ibada maalum iliyofanyika katika Kanisa la KKKT Usharika wa Ilongelo Jimbo la Singida Kaskazini

 Nyalandu na Faraja Kota wakiwa na watoto wao Sera na Christopher katika kanisa hilo

 Waziri wa Maliasili na Utalii, Mbunge wa Singida Kaskazini, Lazaro  Nyalandu akitoa neno la shukrani baada ya ibada maalum katika katisa la KKKT Usharika wa Ilongelo jimboni humo

 Waumini wakiwa katika kanisa la FPCT wakati wa ibada maalum aliyohudhuria Nyalandu 

  Nyalandu na Mkewe wakitoka katika Kanisa la FPCT baada ya kuhudhuria ibada maalum asubuhi. Picha zote na Bashir Nkoromo-theNkoromo Blog

 Waziri wa Maliasili na Utalii, Mbunge wa Singida Kaskazini, Lazaro Nyalandu akizungumza na viongozi wa shule ya Kiislam ambayo huhudumia watoto wa dini zote katika kata ya Ilongelo, shule hiyo ina watoto 74.

 Waziri wa Maliasili na Utalii Lazaro Nyalandu akisalimia waumini kwenye Kanisa la FPCT  katika jimbo la Ilongelo alipofika kwa ajili ya ibada maalum

 Waziri wa Maliasili na Utalii, Mbunge wa Singida Kaskazini, Lazalo Nyalandu alisalimia wananachi baada ya kuwasili na mkewe Faraja Kota kwenye Mkutano wa jimbo uliofanyika leo kwenye Uwanja wa Michezo wa Ilongelo, jimboni humo

   Steve Nyerere ambaye ni Msanii na Kamanda wa Umoja wa Vijana wa CCM, akizungumza kabla ya kumwaga vimbwanga vyake vya kuingiza sauti za viongozi mbalimbali wakati wa mkutano huo wa Nyalandu.

 Mwanamuziki wa muizki wa Injili, Rose Muhando akiimba kutumbuiza wananchi katika mkutano huo wa Nyalandu

  Wadau wakifurahia burudani wakati wa mkutano huo wa Nyalandu

 

 Wasanii wa kikundi cha Makomandoo cha mjini Singida wakitumuiza wakati wa mkutano huo

Waziri wa Maliasili na Utalii, Mbunge wa Singida Kaskazini, Lazalo Nyalandu alisalimia wananachi baada ya kuwasili na mkewe Faraja Kota kwenye Mkutano wa jimbo uliofanyika leo kwenye Uwanja wa Michezo wa Ilongelo, jimboni humo.Picha na Bashir Nkromo

----

WAZIRI wa maliasili na utalii na mbunge wa jimbo la Singida kaskazini(CCM) ,Lazaro Samwel Nyalandu,ametangaza rasmi nia ya kugombea nafasi ya urais katika uchaguzi mkuu unaotarajiwa kufanyika mwakani. 

Nyalandu ametangaza nia hiyo leo kwenye mkutano wa hadhara uliofanyika katika kijiji cha Ilongero Jimbo la Singida kaskazini.

Alisema baada ya kutafakari kwa muda mrefu na kujikagua kwa kina,ameona anao uwezo wa kutosha wa kuweza kupokea kijiti kutoka kwa rais anayemaliza muda wake mwakani kwa mujibu wa katiba.

“Kujikagua huko ni pamoja na kutafakari jinsi alivyoweza kutekeleza ilani ya uchaguzi ya CCM katika vipindi vitatu (miaka 15) akiwa mbunge wa jimbo la Singida kaskazini.Katika kipindi hicho cha ubunge,nimeweza kutumia zaidi ya shilingi bilioni mbili katika kufanikisha kuchangia miradi ya maendeleo katika sekta mbalimbali zikiwemo za afya,maji na barabara”,alisema Nyalandu.

Alisema wakati ukifika,Watanzania kutoka sehemu mbalimbali za nchi wakiongozwa na wakazi wengi wa kutoka jimbo la Singida kaskazini,kwenda Dodoma kuchukua fomu za kuwania urais.

“Watanzania waliokwisha onyesha nia ya kuwania urais mwakani,nawaomba sote tuonyeshe kazi tulizozifanya katika kuwahudumia Watanzania,ili waweze kutupima vizuri waweze kujijengea mazingira mazuri ya kuchangua rais atakayewafaa kwa kuwaletea maendeleo endelevu”,alisema.

Nyalandu alisema kuwa anakishukuru Chama Cha Mapinduzi,kwa maandalizi yake mazuri ya kuhakikisha chama kinapata mwanaCCM safi,mwadilifu na mchapa kazi atakayepeperusha bendera ya chama katika kinyang’anyiro cha kuwania urais mwakani.