Matukio : Lema na Gambo Watofautiana Uzinduzi wa Hospitali ya Mama na Mtoto, Jijini Arusha

Kushoto ni mbunge wa jimbo la Arusha mjini Godbless Lema (mwenye suti ) akiwa anatulizwa na mchungaji Wilfred Mlayi ,kulia ni mkuu wa mkoa wa Arusha Mrisho Gambo akiwa anatulizwa na mfadhili wa Mradi huo ambaye ni daktari bingwa wa magonjwa ya kina mama na Mtoto Duniani Prof. Andrew Browning

Wananchi waliohudhuria uzinduzi wa ujenzi wa hospitali ya mama na mtoto ambaye akupenda kutaja jina lake akiwa anamuomba mmbunge wa jimbo la Arusha mjini Godbless Lema kutulia na kumuaacha mkuu wa mkoa aendelee kutoa hotuba.Habari picha na Woinde Shizza,Arusha

VURUGU kubwa zimeibuka baina ya mkuu wa mkuu wa mkoa Arusha Mrishoo Gambo na mbunge wa jimbo la Arusha mjini Godbless Lema katika hafla ya uwekaji wa jiwe la msingi katika hospitali ya mama na mtoto inayojengwa eneo ya burka nje kidogo ya jiji la Arusha.

Vurugu hizo zimeibuka baada ya mkuu wa mkoa wa Arusha Mrisho gambo kuvuruga ratiba iliyokuwa imepagwa na waandaaji wa hafla hiyo ambapo kwa mujibu wa ratiba hiyo ilikuwa imepangwa kuwa hotuba ya mkuu wa mkoa  ingetanguliwa na waandaji wa shughuli hiyo akiwemo waandaji wa hafla hiyo,wafadhili pamoja na mbunge Lema.

Kabla ya vurugu hizo mkuu wa Arusha alikaribishwa na mkuu wa wilaya ya Arumeru Alexander Mnyeti swala ambalo liliibua mzozo mkubwa kwa wananchi walikuwa wamefika kushuhudia tukio hilo la uzinduzi wakiwemo wafadhili waliofadhili mradi ambao ni shirika la kuhudumia afya ya mama na mtoto (maternity Afrika ).

Baada ya kuanza kuhutubia mkuu huyo wa mkoa akielezea historia ya mradi huo ikiwe upatikanaji wa eneo la kujenga mradi wa hospitali hiyo gafla mbunge lema alipo simama na kupinga hotuba hiyo na kudai imejaa upotoshwaji na siasa ndani kwani yeye ndie aliyetafuta eneo hilo la ujenzi wa hospitali hiyo kutoka katika kampuni ya Mawalla & Advocates na sio kweli eneo hilo limetokana na maono aliyokuwa nayo Marehemu Advocate Nyaga Mawala ya muda mrefu .

“mkuu wa mkoa acha kupotosha umma ,mchungaji simamisha hotuba ya mkuu wa mkoa imejaa siasa anaongea uongo, vitu asivyo vijua,sitakubali huu uongo uendelee siwezi kukubali hotuba iendelee kwani anaongea uongo ,akitaka atumie nguvu ya polisi siogopi kufa ila nataka ukweli ,na aondoe siasa aseme ukweli hili jamboni lamaendeleo ya wananchi na ni kwa faida ya wananchi haswa mama na mtoto tena wale wasio jiweza kwahiyo naomba mkuu wa mkoa acha uongo”alisikika Lema akisema kwa sauti kubwa huku akimsogelea mkuu huyo wa mkoa.

Jambo hilo liliwalazimu baadhi ya wageni wa alikwa wakiwemo wakinamama kumpigia magoti mbunge huyo alionekana akiwa na jazba kubwa huku akimsogelea mkuu huyo wa mkoa swala ambalo lingeweza kusabisha uvunjifu wa amani .

Licha ya Vurugu hizo na kelele za wananchi walionekana nao kupinga hotuba hiyo ya mkuu wa mkoa,Mkuu wa mkoa wa Arusha aliendelea kuhutubia akiwa anaeleza kuwa eneo hilo lilitolewa na marehemu Nyaga Mawala kwa serekali ili liendelezwe kwa kujengwa hospitali na mama na mtoto kitendo ambacho kiliendeleza kelele za wananchi zikipinga hotuba hiyo wakidai mkuu wa mkoa anapotosha .“hili jambo sio la siasa tusiingize siasa ,na kama kunamtu anampango wa kufanya siasa apa anapoteza muda wake mimi ni mkuu wa mkoa na ninafahamu historia ya eneo hili”alisema Gambo

Kwa upande wake mfadhili wa maradi huo ambaye ni daktari bingwa wa magonjwa ya Festula Duniani Dkt. Andrew Browning alieleza kusikitishwa na tukio lililojitokeza na kuwataka viongozi waweke pembeni siasa zao na tofauti zao na wa mtangulize Mungu ili kutimiza shabaha na Lengo la ujenzi wa kituo hicho cha hospitali kitakachoweza kumsaidia mama na mtoto.

Alisema kuwa ujenzi wa hopitali hiyo utagharimu kiasi cha shilingi bilioni sita na kwa awamu ya kwanza kiasi cha shilingi bilioni tatu kitatumika kujenga hospitali hiyo fedha ambazo zitatolewa na wafadhili kutoka shirika la mama na mtoto (martenity Afrika).

Kwa upande wake mwenyekit wa Taasisi ya maendeleo ya jiji la Arusha (ARDF) Elifuraha Mtowe Alisema kuwa eneo la kujengwa hospitali hiyo lilitolewa na marehemu Nyaga Mawala na kwa ARDF kupitia ofisi ya mbunge wa jimbo la Arusha mjini ndipo taasisi yao ya ARDF ikaamua kumtafuta mfadhili ndipo walipompata MartenityAfrika.

Alisema kuwa tangu wampate mfadhili waliingia mkataba na wakakubaliana hospitali iishe ndani ya miaka mitano lakini mfadhili mwenyewe aliwaakikishia kuwa hospitali hiyo itaisha mapema iwezekanavyo kwani itakamilika ndani ya mwaka mmoja tu ili mama na mtoto aweze kupata huduma kwa haraka zaidi.

Awali mbunge Lema aliwaambia waandishi wa habari kuwa mkuu wa mkoa huyo alikuwa amegoma kuja kuzindua hospitali hiyo hadi pale mbunge huyo alipoamua kumpiga simu katibu mkuu kiongozi John Kijazi na kumwambia kuwa mkuu wamkoa kagoma kuja kuzindua hospitali hiyo ndipo katibu mkuu alipoamua kupiga simu wizara ya tamisema ambapo ndio walimpigia simu mkuu wamkoa ili aweze kufika kwenye uzinduzi huo.