MARUFUKU KUCHIMBA DAWA : SUMATRA YAWATAKA ASKARI WA USALAMA BARABARANI KUKAMATA MABASI YANAYORUHUSU KUCHIMBA DAWA OVYO PORINI

          Mwanasheria mkuu  wa  SUMATRA Bi Leticia Mutaki

 Bw  Mpina wa Sumatra  makao  makuu  akifafanua  jambo wakati wa semina elekezi  kwa askari wa usalama barabarani

Watenda kazi  wa Sumatra  Iringa  wakiwa na mwanahabari wa TBC Taifa  Irene Mwakalinga  kulia  wakifuatilia  semina  hiyo.
..................................................................................................
ASKARI  wa usalama barabarani  nchini  wamepewa  rungu  la kuwakamata  madereva  wa mabasi ya abiria na magari mengine  ambayo yatapatikana yakivunja  sheria ya  uchafuzi wa mazingira ya kusimamisha mabasi ili  abiria  waweze kuchimba  dawa porini kinyume na taratibu.

Agizo  hilo  limetolewa  leo wakati  wa  semina  elekezi ya mikakati ya kuthibitia  ajali na uboreshaji wa  huduma ya  usafiri  ,iliyoandaliwa na Mamlaka ya Usafirishaji wa Majini na Nchi Kavu( SUMATRA)makao  makuu kwa askari wa usalama barabarani  mkoa  wa Iringa.

Mwanasheria mkuu  wa  SUMATRA Bi Leticia Mutaki  alisema  kuwa kisheria  kuchimba  dawa  ovyo ni kosa na  hivyo lazima  askari  wa  usalama barabarani kote  nchini kuhakikisha  wanasimamia  sheria  hiyo  ikiwa ni  pamoja na  kuwakamata  wale  wote  wanao vunja  sheria  hiyo.

Alisema  kuwa  tarayi  SUMATRA  ilitangaza  vituo  vya uchimbaji  dawa kwa barabara zote  nchini na wamili  wa mabasi  hayo  wamepewa nakala  yake  hivyo ni lazima  kuzingatia  sheria  hiyo na kusimamisha basi  eneo   husika ambao wametengewa .

Huku  kwa upande  wake mkuu wa uparesheni barabarani kutoka  Sumatra Person Mpina  alisema  kuwa mbali ya  askari  hao  kuwabana  madereva  ambao  wanavunja  sheria kwa  kuchimba dawa  popote bado askari  hao  wanapaswa kuchukua  hatua kwa madereva wa mabasi ya nje ya nchi ambao  wamekuwa  wakikiuka sheria kwa  kufanya biashara  ya  kupakia abiria  wakiwa ndani ya nchi .

Alisema  kisheria mabasi ya nje  hayapaswi  kupatika abiria ndani ya nchi  isipokuwa magari  hayo yanaruhusiwa kushusha  abiria  pekee.

Kuwa mabasi  yaliyosajiliwa kwa namba za usajili za Kenya ,Kampala ,Zambia  na nchi  nyingine wanapaswa  kupatika  abiria wanapoingia katika nchi  husika  na sio  kupakia abiria ndani ya nchi.Kuhusu mabasi ya masafa marefu yaendayo mikoani kuingia ama kutoingia katika  stendi ya  wilaya  alisema kuwa si lazima kwa mabasi ya mikoai kuingia katika  stendi  za wilaya  na kuwa mabasi hayo  yanaruhusiwa  kuingia stendi  za mikoa pekee na si vinginevyo .

"Suala  ambalo  tunaliangalia  hapa na tutalitolea majibu ni  juu ya stendi ya ipi  ya mkoa kati ya Ipogolo na ile ya Iringa mjini ....kwani  kumekuwepo na mkanganyiko mkubwa  wa stendi ya  mkoa katika mkoa  wa Iringa ambapo  wengi  wao  wanatumia stendi zote  mbili ya Ipogolo na Miyomboni kama stendi  kuu"

Japo  alisema abiria anayohaki ya  kushushwa katika stendi ya  mkoa na si vinginevyo na  kuwa kitendo cha madereva wa mabasi  ya mikoani kuwashusha abiria  Ipogolo na  kuwafanya  kukodi Taxi kuja mjini Iringa ni kosa kubwa na iwapo abiria ataamua  kuchukua hatua  za  kisheria lazima dereva  achukuliwe hatua.Picha na Francis Godwin -Iringa