FILAMU NA UCHEKESHAJI :SHINDANO LA TANZANIA MOVIE TALENTS LAINGIA HATUA YA PILI YA MCHUJO KWA KANDA YA KASKAZINI, JIJINI ARUSHA

 Baadhi ya washiriki waliofanikiwa kuingia hatua ya pili ya mchujo katika mashindano ya kusaka vipaji vya kuigiza yajulikanayo kama Tanzania Movie Talents kwa kanda ya Kaskazini Mkoani Arusha

 Washiriki wa Tanzania Movie Talents wakipewa maelekezo

 Baadhi ya washiriki wa Shindano la Tanzania Movie Talents wakisoma muswada (Script) mara baada ya kupewa kwaajili ya kuonyesha uwezo wao katika kuufuata muswada

Na Josephat Lukaza wa Proin Promotions - Arusha

Shindano la Tanzania Movie Talents limeendelea leo katika Ukumbi wa Triplle A, Jijini Arusha ikiwa ni hatua ya pili sasa ya mashindano hayo kwa kanda ya Kaskazini Mkoani Arusha.

Shindano hili limeingia hatu aya pili mara baada ya kusitishwa hapo jana Kutokana na Msiba uliotokea Wa Msanii na Muongozaji mahiri katika Tasnia ya Filamu nchini, Marehemu Adam Philip Kuambiana aliyezikwa jana Katika Makaburi ya Kinondoni na Kuhudhuriwa na Maelfu ya watu wakiwemo viongozi wa Serikali na Wasanii wa tasnia mbalimbali nchini.

Shindano la Tanzania Movie Talents linatarajiwa kumalizika kesho kwa washindi watatu kutangazwa na majaji na hatimaye kila mshindi mmoja kuondoka na kitita cha Shilingi laki tano taslimu na baadae washindi kuungana na Washindi wa Mikoa Mingine kwaajili ya Fainali kubwa itakayofanyika Katika jiji la Dar Es Salaam mwishoni mwa Mwezi wa Nane na mshindi katika Fainali hiyo atajinyakulia Kitita cha Shilingi Milioni Hamsini za Kitanzania (50,000,000/=).

Mpaka sasa Mashindano ya Tanzania Movie Talents yashafanyika katika Kanda ya ziwa Mkoani Mwanza, Kanda ya Kati Mkoani Dodoma, Kanda ya Nyanda za Juu kusini Mkoani Mbeya , Kanda ya Kusini Mkoani Mtwara na Sasa shindano linaendelea Katika Kanda ya Kaskazini Mkoani Arusha huku Kanda ya Pwani ikiwa ni kanda ya Mwisho katika Mashindano haya.

Tayari Kipindi chetu cha Kwanza Cha Mwanza kimesharushwa katika Kituo Cha Runinga cha ITV na vipindi vingine vitarushwa kila Jumamosi saa Nne Usiku na kurudiwa Kila Siku ya Jumapili Saa Kumi Jioni na Jumatano Saa Tano Usiku.

Shindano la Tanzania Movie Talents linaendeshwa na Kampuni ya Proin Promotions Limited ambao ni watengenezaji, wauzaji na wasambazaji wa Filamu Tanzania.