Msichana wa Tanzania aliyekamatwa na madawa ya kulevya akiwa
amesimama karibu na meza yalipowekwa madawa yaliyotolewa kutoka kwenye
mwili wake
Ni
msichana gani wa Tanzania aliyekamatwa na madawa ya kulevya nchini
China? Hilo ni swali gumu ambalo kila mmoja amekuwa akijiuliza bila
kupata jibu la uhakika. Mtandao wa chinadaily.com.cn umeandika habari na kuweka picha za
kukamatwa kwa msichana huyo mwenye umbo refu, mwenye nywele ndefu na
mweupe. Mtandao huo umeandika: Msichana mwenye miaka 28 kutoka Tanzania
alikamatwa kwa tuhuma za kumiliki madawa ya kulevya huko -Macao, Dec 19,
2013. Alikuwa ameficha kilo 1.1 za heroin zenye thamani ya $137,720 (
sawa na zaidi ya shilingi milioni 85) ndani ya mwili wake na kuchukua
ndege kutoka Thailand hadi Macao. Alisema alikuwa akielekea Guangzhou,
mji mkuu wa jimbo la Kusini mwa China Guangdong.
Madawa yaliyotolewa kwenye mwili wa msichana huyo mwenye miaka 28 yakioneshwa mbele ya waandishi wa habari
Tunafahamu kuna majina tayari yanayotajwa kuwa huenda wakawa ndio
msichana huyo lakini hatuwezi kuyataja wala kuthibitisha kwa sasa ili
kuepuka kuripoti habari zisizo na ukweli.
Msichana wa Tanzania aliyekamatwa na madawa ya kulevya na aliyefunikwa uso wake akiwa chini ya ulinzi
Adhabu ya makosa ya biashara za madawa ya kulevya nchini China ni kifo.
No comments:
Post a Comment