RAISI WA TFF LEODGAR TENGA APONGEZWA NA WILHELM GIDABUDAY

Mwanaharakati wa Michezo ya Riadha nchini  Bw. Wilhelm Gidabuday.

Rais wa TFF,Leodger Tenga  

                                           *********************************

Na Gadiel Urio - Arusha

Mwanaharakati , mzalendo  na mwanariadha wa kimataifa na mdau mkubwa wa michezo nchini Bw. Wilhem GidaBuday amempogeza raisi wa TFF nchini  Bw. Leodgar C. Tenga na kusema kitendo alichokifanya ni cha kizalendo, cha kitaifa na kinafaa kuigwa na viongozi wengine wa michezo nchini. 

Bw Gidabuday aliongeza kuwa Raisi wa TFF ameionyesha jamii ya kitanzania kuwa yeye sio mbinafsi ,sio mchoyo wa madaraka na anapenda maendeleo ya  wa Tanzania wengine ,ndio maana akaachia kiti hicho ili kiweze kuongozwa na wadau wengine wa michezo nchini.

“Leodgar Tenga amefanya uamuzi wa kizalendo,kiungwana,kitaifa na wa kuigwa. Imethibitika kuwa Tenga hana ubinafsi; tofauti na wenzetu wa TOC ambao walikuwa tayari hata kuua mtu ili kuhakikisha kuwa wanashinda!!Tukumbuke kwamba katiba zetu za vyama vya michezo vimeundwa na walafi ambao wame – Monopolize vyama vya michezo kuwa mali zao binafsi!. 

Mfano: Olympic Movement ina objective zake mahususi kama vile Usawa, Haki, Maadili ya kiutu,Kupinga Ubaguzi na Ufisadi!!.But guess what; TOC ndo wanaendesha mambo kinyume kabisa na IOC’s code of Ethics na serikali inawaogopa! hadi lini?”. Alihoji na kumalizia mwanaharakati huyo wa michezo hususani mchezo wa Riadha nchini Bw. Wilhelm Gidabuday