Kaimu
Ofisa Mtendaji Mkuu wa Wakala wa Huduma ya Ununuzi Serikalini (GPSA)
Jacob Kibona akiwaonyesha Waandishi wa Habari (hawapo pichani) Kitabu
cha wageni chenye nembo ya serikali, alisema wakala wake pekee ndiyo
wenye mamlaka ya kusambaza vitabu hivyo na nyaraka mbalimbali za
serikali zenye nembo hiyo kwa taasisi za umma kwa lengo la kulinda
uhalisia wa nembo ya serikali yenye alama ya Bibi na Bwana.
Na Barnabas Lugwisha
Serikali
kupitia Wakala wa Huduma ya Ununuzi Serikalini (GPSA) hivi karibuni
imeokoa shilling bilioni 1.3 baada ya wakala hiyo kununua kwa pamoja
magari 392 katika mpango wa serikali wa manunuzi ya pamoja.
Kaimu
Ofisa Mtendaji Mkuu wa Wakala hiyo, Bw Jacob Kibona, amewaambia
Waandishi wa Habari jana kuwa fedha hizo zimeokolewa na serikali baada
ya kununua magari 392 kwa pamoja kwa Sh. bilioni 56.1 badala ya
shilingibilioni 58.1 iwapo kila taasisi ingenunua magari yake.
“Kwa kweli huu mpango wa manunuzi yapamoja ni mpango mzuri sana ambao unaiwezesha serikali kuokoa fedha nyingi,” Alisema
Alisema
fedha zilizookolewa zitaiwezesha serikali kufanya shughuli nyingine za
maendeleo ya ummana kama vile kuboresha miundombinu ya barabara, huduma
za afya na elimu.
Kaimu
Mtendaji Mkuu wa Wakala wa Huduma ya Ununuzi Serikalini (GPSA) Jacob
Kibona akiwaonyesha waandishi wa Habari (hawapo pichani) faili lenye
nembo ya serikali, alisema wakala wake pekee ndiyo wenye mamlaka ya
kusambaza mafaili hayo kwa lengo la kulinda uhalisia wa nembo ya
serikali yenye alama ya Bibi na Bwana.
Amesema
taasisi yake pia katika kipindi cha Julai hadi Oktobamwaka huu,
imezikabidhi taasisi za serikali magari ya aina mbalimbali yapatayo
136.
Alisema
katika kuhakisha kwamba wanapunguza gharama katika manunuzi, wamekuwa
wakinunua bidhaa kutoka kwa wazalishaji moja kwa moja ila
inaposhindikana kutokana na sera za makampuni makubwa kuwa na mawakala
wa usambazaji wamekuwa wakinunua kwa mawakala hao kwa makubaliano maalum
ya kupunguza bei.
Alisema
kuwa kazi nyingine muhimu ya taasisi yake ni kugomboa mizigo kupitia
bandarini , viwanja vya ndege na mipakani kwa niaba ya serikali ambapo
kwa mwaka wa fedha uliopita waligomboa mizigo yenye thamani ya Shlingi
bilioni 62.7.
Alisema
mizigo hiyo ilikuwa ni pamoja na vifaa vya mkongo wa taifa, vifaa vya
Mamlaka ya Mapato Tanzania na Wizara yaMali asili na utalii.
Kaimu
Ofisa Mtendaji Mkuu wa Wakala wa Huduma ya Ununuzi Serikalini (GPSA),
Jacob Kibona akiwaonyesha Waandishi wa Habari (hawapo pichani) Kitabu
cha wageni chenye nembo ya serikali, alisema wakala wake pekee ndiyo
wenye mamlaka ya kusambaza vitabu hivyo na nyaraka mbalimbali za
serikali zenye nembo hiyo kwa taasisi za umma kwa lengo la kulinda
uhalisia wa nembo ya serikali yenye alama ya Bibi na Bwana.
Aliongeza
kuwa kwa kipindi cha mwezi Julai hadi Septemba mwaka huu pia
walikomboa vifaa mbalimbali vya serikali zikiwamo ndege mbili
zilizonunuliwa na serikali kutoka Canada aina ya Bombadier vyote vikiwa
na thamani ya Shilingi bilioni 100.97.
Alisema
GPSA ina huduma za kuhifadhi vifaa kwa ajili ya taasisi za serikali,
kwa kuwa wao wana maghala makubwa katika mikoa karibu yote .
“Hata
mkoani Kagera baada ya maafa ya tetemeko la ardhi, maghala yetu
yanayotumika kuhifadhi vifaa mbalimbali viliyotolewa kama misaada,”
Pia
wana jukumu la kutoa huduma ya mafuta kwa magari yaserikali na kwamba
kwamba hadi sasa wamefanikiwa kusimika mfumo wa usimamizi wa mafuta kwa
matumizi ya ya serikali na kwamba mfumo huo unaendelea kupanuliwa ili
uzifikie taasisi nyingi za umma.
Alizishauri
taasisi za umma kuzingatia sheria za manunuzi kwa lengo la kutoa huduma
bora na kwa kuhakikisha kuwa vifaa na huduma zinazopatikana
zinazingatia thamani halisi ya fedha zinazotumika
.jpeg)
.jpeg)
