Matukio : Mbunge wa Monduli Mhe. Julius Kalanga Awatahadharisha wananchi kuacha Kuuza Ardhi Kiholela

Mbunge wa Monduli kupitia CHADEMA Julius Kalanga akikabidhiwa fimbo maalum na mzee wa Mila maarufu kama Laigwanan ishara ya kupewa mamlaka na uongozi katika ziara yake aliyoifanya jana katika eneo la Mto wa Mbu.

Mbunge wa Monduli kupitia CHADEMA Julius Kalanga akizungumza na wananchi katika eneo la Mto wa Mbu.Kufuatia ziara yake ya kutembelea wananchi .Picha na Ferdinand Shayo

Na Ferdinand Shayo wa Wazalendo 25 Blog ,Monduli.

Wananchi wilayani Monduli wametahadharishwa juu ya uuzaji holela wa ardhi ambao umekua ukipelekea migogoro baina ya wananchi na wawekezaji jambo linaloathiri shughuli za maendeleo .

Kufuatia ziara ya Mbunge wa Jimbo hilo Julius Kalanga kwa mwekezaji Meno Safari kutoka nchini Uholanzi ,mwekezaji huyo amekua akilalamikiwa na wananchi kumiliki maeneo ya kilima ambacho kilikua kikitumika kwa ajili ya shughuli za malisho ,wananchi hao wamesema kuwa mwekezaji huyo amekuaepo kwa takribani nmiaka 10 na bado hajaelewa shughuli za mwekezaji huyo na mchango wake katika jamii.

Wananchi hao wameitaka serikali ichukue hatua juu ya mwekezaji huyo ambaye umiliki wake wa maeoneo hayo unatiliwa mashaka na kuyarudisha maeneo hayo ambayo awali yalikua maeneo ya malisho ya wafugaji.

Mbunge wa Mondli Julius Kalanga akihutubia wananchi hao mara baada ya kukamilisha ziara yake amewataka wananchi na watendaji kuwa makini na kuacha kugawa ardhi kiholela kwani wanaweza kuwa chanzo cha migogoro na kuchochea uwekezaji usio na tija unaolenga kunyonya rasilimali za nchi.

Wilaya ya Monduli inategemea shughuli za ufugaji kama shughuli kuu za uchumi ,licha ya ufugaji bado inakabiliwa na tatizo la uhaba wa maji ,migogoro ya ardhi na miuondombinu isiyopitika hasa maeneo ya vijijini.